Champions League sjell emocione të papërshkrueshme, aq më shumë kur bëhet fjalë për finalen. Edhe në Afrikë ka një dashuri të madhe për futbollin, aq më shumë kur bëhet fjalë për të ngritur një trofe kaq prestigjioz. Al Ahly është ekipi që ka prekur finalen dhe ndeshjen e parë e ka mbyllur në barazim 1-1 me Wydad. Por tani do të zhvillohet ndeshja e kthimit me ekipin nga Maroku dhe tifozët gjejnë një mënyrë speciale për ta motivuar më shumë ekipin.
Në seancën stërvitore që po mbante ekipi janë mbledhur një numër i madh tifozësh të cilët kanë qëndruar aty dhe kanë brohoritur për të përkrahur skuadrën. Në një moment të gjithë tifozët kanë pushtuar fushën për të takuar lojtarët.
