Serie A vazhdon të zhvillojë një luftë egër sa i përket kreut të tabelës, janë katër ekipe që rivalizojnë Napolin e vendit të parë që nuk po gabojnë pas çdo jave. Një natë më parë ishte Juventus që mposhti Milanin në “San Siro”, për të barazuar me pikë vendin e parë dhe për të rritur presionin. Ndërsa mesditën e sotme janë zhvilluar edhe ndeshjet e tjera të kampionatit italian, ku Lazio dhe Napoli nuk kanë gabuar,ndërsa Interi do të luaj të hënë në mbrëmje përballë Veronas.
Napoli kishte përballë Sassuolon, e cila i krijoi pak vështirësi në pjesën e parë, pasi Sarri kishte ruajtur disa lojtarë për sfidën e madhe të mesjavës në Champions League përballë Cityt të Guardiolës. Ndeshja përfundoi në rezultatin 3-1 dhe Napoli iu kthye sërish e vetme vendit të parë me tre pikë më shumë se Lazio dhe Juventus. Golat për napolitaët u shënuan nga Allan, Callejon dhe Mertens.
https://www.youtube.com/watch?v=jojaNChJHzA&ab_channel=FootballEmpireTM
Ndërsa Lazio ka shkatërruar me rezultat 5-1 Beneventon e Memushajt dhe Xhimshitit, duk konfirmuar edhe njëherë se janë një ekip mjaft i fortë që do të rivalizojë për titull deri në fund. Immobile rikonfirmohet si njeriu më në formë i momentit te Lazio, pasi shënon dhe asiston në këtë ndeshje. Strakosha bën disa pritje mjaft të mira ë këtë ndeshje, por gabon në rastin e golit duke lejuar topin ti kalojë mes këmbëve. Tëk Benevento, Memushaj ka luajtur një pjesë loje, ndërsa Xhimshiti ka qëndruar në stol për 90 minuta.
Edhe Sampdoria ka shkatërruar Chievon me rezultatin 4-1, ku ka spikatur goli i dytë i shënuar nga mbrojtësi Torreira, i cili na solli në kujtesë Roberto Carlosin. Samp me këtë fitore vazhdon të qëndrojë në vendin e gjashtë.
Ndeshjet e tjera të luajtura mesditën e sotme ishin: Crotone-Fiorentina 2-1, Spal-Genoa 1-0 dhe Udinese-Atalanta 2-1. Atalanta e portierit të kombëtares shqiptare Etrit Berisha, ka qenë në një superformë në javët e fundit dhe ishte surprizë kjo humbje që pësoi përallë Udinezes.
