Fondacioni “Fundjavë Ndryshe” sot bëri dy vjetorin e themelimit. Koha kalon shpejt, por çdo fundjave, nën drejtimin e fondacionit, vullnetarët dhe bamirësit kanë pasur mundësi të ndihmojnë ata më të dobëtit, ata që kanë nevojë, për ata që duan të shohin një fundjave si gjithë të tjerët.
Dy vite janë pak por ndryshimi u bë, tani të gjithë flasin për “Fundjavë Ndryshe”. Më 27 tetor 2015, Fundjavë Ndryshe lindi mes varfërisë. Si një dëshirë për të ndihmuar njerëzit në nevojë. Lindi ekzaktësisht si dëshira e një të riu vetëm 21 vjeç, ku mes mundësive për të jetuar në dimensionin e shndritshëm të aktualitetit tonë, ai zgjedh të mbështesë grupin shoqëror më të dobët të vendit. Sot në themelimin e dy vjetorit të saj të pranishëm ishin personalitetet në vend. Artistë, intelektualë, biznesmen, bamirës, përfaqësues të besimeve fetare, vullnetar, politikanë, përfaqësues të organizatave te huaja dhe vendas dhe te ambasadave.
Të gjithë së bashku ishin në takimin e sotëm për një “Fundjavë Ndryshe”, për të falur më shumë dashuri dhe për të qenë më pranë atyre që kanë nevojë dhe kur politika dhe një pjesë e shoqërisë i ka braktisur.
Drejtoresha e Korpusit të Paqes në Shqipëri, Kate Backer në fjalën e saj tha “Arbër Hajdari ju jeni një katalizator i ndryshimeve dhe për gjëra të mira. Shumë qytetarë të mirë po kanalizojnë kohën e tyre falë jush. Po e transformimi komunitetin tuaj. Ju jeni angazhuar në një luftë e efikase për të ndryshuar strukturën e shoqërisë suaj. Ne kemi përgjegjësi për t’i dhënë një trajtë më të mirë të shoqërisë suaj. Siç thoshte Nënë Tereza: Unë nuk mund të ndryshoj por të hedh një gur që të krijojë rrathët e tij. Ajo do të ishte krenare duke parë rrathët e komunitetit që kanë sjellë ndryshimin në komunitetin tuaj. Në këtë mënyrë Shqipëria do të arrijë potencialin e saj të plotë.
Drejtori i fondacionit “Fundjavë Ndryshe” bëri një përmbledhje të shkurtër të punës kolosale qe vullnetarët dhe bamirësit kanë bërë nën drejtimin e fondacionit që ai drejton.
Arbër Hajdari: Na kanë cilësuar si lypësa modernë. Shumë pyesin kush qëndron pas Fundjavë Ndryshe?! Asnjë! Jeni ju që qëndroni pas Fundjavë Ndryshe! Pas “Fundjavë Ndryshe” qëndron Zoti.”
