Ka përfunduar 3-0 ndeshja mes PSG dhe Nice në “Patc des Princes”, ku Cavani ka qenë heroi i ndeshjes. Edhe pse u mendua një ndeshje delikate, parisienët e kanë zgjidhur atë që në minutat e para me anë të sulmuesit uruguaian, i cili shënon një gol mjaft të bukur. Loja vazhdon të dominohet nga formacioni i Emery dhe në minutën e 33’ është sërish Cavani që gjen rrugën e rrjetës për të shkuar në pushimin e pjesës së parë më të qetë. Pjesa e dytë vazhdon të kontrollohet nga vendasit të cilët gjejnë edhe golin e tretë për të vulosur takimin.
Balotelli me shokë nuk arrijnë të organizojnë asnjë aksion të rrjedhshëm dhe nuk shqetësojnë në asnjë moment portierin Areola. Për tu vlerësuar është mbrojtja parisiene në këtë ndeshje pasi nuk ka lënë asnjë hapësirë që miqtë të godisnin portën. Edhe pse mungonte Neymar, yjet e Parisit kanë ditur ta administrojnë mjaft mirë këtë ndeshje dhe ta fitojnë pa problem
PSG vazhdon të qëndrojë e vetme në majën e klasifikimit dhe momentalisht është e shkëputur me 7 pikë nga vendi i dytë Monaco. Fitimi i Ligas 1 duket se nuk do të jetë i vështirë për PSG nëse vazhdon shkëputjen në këto ritme. Lojtari i ndeshjes ishte Edison Cavani i cili shënon dy gola dhe jep kontributin në golin e tretë.
