Deputeti i PD-së, Enkelejd Alibelaj, në seancën e sotme plenare në Kuvend, ku do të vendoset për heqjen ose jo të imunitetit të deputetit Saimir Tahirit, paraqiti raportin e opozitës, pro kërkesës së prokurorisë për arrestimin e Saimir Tahirit.
Alibelaj në fjalën e tij ka thënë se vëllezrit Habilaj kanë pasur bashkëpunim me fuksionarë të lartë publikë, dhe sipas tij një nga këta funksionarë është Saimir Tahiri, i cili në cilësinë e ministrit të Brendshëm ka lejuar zhvillimin e veprimtarisë kriminale të grupit Habilaj.
Sipas Alibelajt, Policia e Shtetit nuk ka ndërrmarë asnjë hetim kundër grupit Habilaj, pasi ministri i brendshëm Saimir Tahiri nuk e ka lejuar një gjë të tillë.
“Grupi kriminal ka pasur mbështetjen e Tahirit, sa kohë ishte ministër. Mbështetje i është dhënë edhe për përdorim të makinës. Kuvendi ka detyrën të sigurohet që deputeti të mos jetë peng i pushtetit abuziv. Komisioni i Venecias konsideron që imuniteti duhet të hiqet në të gjitha rastet kur heqja e imunitetit nuk lë vend për dyshim se po bëhet për arsye politike.
Prokuroria ka prova: 1800 fletë transkripto, ku përfshihet edhe marrja e ryshfeteve; Dokumente të shitjes të automjetit Habilajt; Dokumente për përdorimin e automjetit dhe shëtitjes se Tahirit pas shitjes së makinës me Habilajt.
Kuvendi nuk është institucion që provon fajësinë apo jo të të akuzuarit.
Tahiri nën akuzë për trafik droge dhe korrupsion pasiv. Imuniteti t’i hiqet që mos të pengohet drejtësia.
Pozicioni i tij si deputet i mazhorancës është tregues i qartë i rrezikshmërisë së prishjes së provave të grupit kriminal Habilaj.
Ekziston rreziku për prishjen e provave nga deputeti Saimir Tahiri Kuvendi duhet të shqyrtojë edhe që masat e tjera të sigurisë janë të papërshtatshme. Çdo masë tjetër përveç arrestimit është rrezikshmëri.
Ka arsye për të menduar se në banesën e Saimir Tahirit fshihen prova që i përkasin veprës penale“, tha Alibeaj.
Raporti- 2017 by Tirana Today on Scribd
