Një ngjarje e rëndë ka tronditur mëngjesin e sotëm Gjirokastrën, ku kanë mbetur të vrarë burrë e grua.
Këta të fundit janë vrarë me armë zjarri nga fqinji i tyre, njëkohësisht kushëriri i viktimës, Apostol Kosta.
Viktimat janë identifikuar si shtetasit Leko dhe Afërdita Kosta, 66 dhe 49 vjeç, të cilët banonin në lagjen “Palorto”.
Mësohet se shkak i krimit të dyfishtë është një konflikt i agresorit me çiftin për pronësinë e tokës. Dyshohet se autori Apostol Kosta pas krimit ka qëlluar veten me armë zjarri dhe ndodhet në gjëndje të rëndë për jetën.
Policia ka mbërritur në vendngjarje dhe po punon për të zbardhur më shumë detaje.
