Në Brazil vazhdojnë të jenë prezentë historitë e grabitjeve në rrugë sikur të mos ekzistonte policia. Këtë herë viktimë e një grabitjeje ka qenë portieri i Botafogo, por edhe i kombëtares së Brazilit deri në vitin 2010,Jefferson de Oliveira Galvão.
Kjo ngjarje e tmerrshme është filmuar nga kamerat e sigurisë pranë një kryqëzimi. Ku tre persona i kanë bllokuar rrugën me një makinë, e më pas kanë zbritur dhe i kanë drejtuar armët. Më pas e kanë zbritur nga makina dhe të tre grabitësit janë futur në makinën e Jefferson, tip Range Rover dhe janë larguar. Dy prej grabitësve kanë qenë të pamaskuar dhe po bëhen verifikimet nga ana e policisë.
Ngjarja ka ndodhur në një lagje të Rio De Janeiro, qytet që ka një anë mjaft të errët sa i përket këtij fenomeni. Gjatë lojërave Olimpike të zhvilluara në Rio, ka pasur raste pa fund të grabitjeve në rrugë të sportdashësve që kishin udhëtuar atje. Persona të pamaskuar, me një thikë në dorë apo armë, apo dhe fëmijë të një moshe shumë të re kanë tërhequr zvarrë persona duke u rrëmbyer varëse, telefona celulat apo çanta.
