Në një moment kur e gjithë vëmendja e opinionit publik është përqendruar te çështja e Sajmir Tahirit ka interes të madh rreth çdo informacioni që del rreth tij sidomos kur vjen nga Artan Habilaj, vëllai i Moisi dhe Florian Habilajt njëri tashmë i arrestuar ndërsa tjetri në kërkim si pjesë e të akuzuarve nga drejtësia italiane.
Vëllai i madh i Habilajve ka folur rreth akuzave të opozitës për trafik droge, lidhjet e gjakut me Saimir Tahirin dhe problemet që kanë pasur më ish-shefin e Kufirit e më pas të antigrogës Dritan Zagani. Gjatë një interviste për “Gazetën Shqiptare”, tha se në asnjë rast nuk është kapur as me drogë as në kundravajtje me ligjin. Është ndaluar si çdo qytetar i republikës së Shqipërisë për kontrolle, si në të gjitha rastet, e më pas ka vazhduar normalisht. Nuk ka pasur asnjë rëndësi nëse makina është e ministrit apo e kujtdo qoftë.
Artan Habilaj ka shpjeguar edhe faktin se përse makina që ai përdor ishte akoma në pronësinë e Tahirit sepse ish ministri ka pasur një problem me fëmijët e Berishës, dhe është bllokuar nga Përmbarimi për të mos kaluar në pronësi të tjetrit. Gjithashtu, ai ka thënë se Tahiri e ka marrë njëherë këtë makinë për arsye familjare për të dalë jashtë vendit, por nuk e di ku. E ka kërkuar njëherë dhe e ka marrë, por kjo për arsye se s’ka pasur makinën e tij.
Nga të dyja palët është pranuar lidhja farefisnore midis të dyve por që është shumë e largët. E kam kushëri të largët, në shkallën e gjashtë është pak. Gjyshja ime me stërgjyshen e zotërisë në fjalë, kushërinj të largët.
Ndërsa i lidhur me lidhjet me Zaganit, Artan Habilaj ka thënë se nuk kam pasur absolutisht kontakte me z.Zagani, thjesht në një moment të caktuar në Durrës më është bllokuar një shumë lekësh, dhe që atëherë më është vënë në ndjekje. Më është vënë nga pas për të vënë gjobë. Në kuptimin që unë ti thosha Zaganit, mos më ndiq nga pas, mos më ngacmo, thjesht për të më vënë presion. Zagani ka qenë në kohën e tij, në Vlorë, ka qenë mbreti i Portit, nuk mund ti fliste asnjë njeri. Zagani më ka penguar gjithë biznesin
