Jonida Shehu është një tjetër moderatore e Top Channel që i bashkohet largimit të disa prej figurave më të njohura të këtij televizioni.
Gazetarja është shprehur se ky është një vendim i pakthyeshëm dhe se ndihej e papërshtatshme në atë çka bënte.
“U ndjeva e papërshtatshme për të vazhduar punën aty. Ky vendim është i pakthyeshëm.”-shprehet Jonida.
Nga Top Channel njoftohet se janë ndërprerë marrëdhëniet kontraktuale me Jonida Shehu në mënyrë përfundimtare. Top Channel e cilëson sjelljen e moderatores si joprofesionale dhe tregon se arsyeja e largimit të gazetares është braktisja e papritur e emisionit.
Zyra ligjore e televizionit do të ndërmarrë rrugët ligjore duke renditur pas qëndrimit të saj në media edhe kërkesën për dëmshpërblim për prishje të imazhit.
Juli Krisafi, spikerja e edicioneve qendrore të Top Channel prej disa vitesh, do të jetë moderatorja e re e programit të pasdites.
