Skënderbeu do të presë sonte në “Elbasan Arena”, Partizanin e Beogradit, në sfidën e vlefshme për raundin e tretë të grupeve në Europa League. Të dy ekipet deri më tani kanë arritur të rezervojnë nga një pikë, duke barazuar me Young Boys dhe nga një humbje nga Dynamo Kievit. I favorizuar për të kaluar grupin mbetet vetëm Dynamo Kievit pari është me pikë të plota dhe mbanë vendin e parë, Ndërsa Young Boys gjendet në vendin e dytë me dy pikë. Një mundësi e barabartë për të tre ekipet për të shpresuar në një kualifikim përtej fazës së grupeve.
Skënderbeu ka disa statistika pozitive nga të cilat ne duhet të besojmë se nga ndeshja që do të zhvillohet sonte nuk do të dalë pa pikë. Pasi në pesë sfidat e fundit që ka zhvilluar si pritës nuk ka pësuar asnjë humbje. “Elbasan Arena” është cilësuar si një stadium fatsjellës nga korçarët, pasi i plotëson të gjitha kushtet dhe kanë përkrahje të tifozerisë, por edhe të sportdashësve elbasanas e nga e gjithë Shqipëria. Kjo për faktin se qyteti Elbasanit ndodhet në qendër të Shqipërisë dhe u krijon mundësinë që tifozët të udhëtojnë edhe nga qytet e tjera.
Në pesë ndeshje të zhvilluara këtë vit në “Elbasan Arena”, sa i përket sfidave të Europa League ka arritur të marrë 3 fitore, dy barazime dhe asnjë humbje. Partizani i Beogradit padyshim është një ekip mjaft i fortë por edhe bardhekuqtë kanë treguar se janë të denjë dhe kanë eksperiencën e duhur për tu përballur denjësisht me çdo kundërshtarë. Skualifikimi i Dinamo Zagrebit në fazën play-off të Ligës së Europës, tregoi forcën e vërtetë që ka ekipi i ndërtuar nga tekniku Ilir Daja.
Goli i Ali Sowe pëballw Young Boys:
Këto statistika kanë krijuar një vetëbesim tek sportdashësit se Skënderbeu do të marrë një rezultat pozitiv. Por edhe kualitetet dhe loja që kanë treguar në fushë futbollistët e ekipit korçarë, janë të një niveli të lartë dhe mund të themi që është ekipi më i konsoliduar që kemi parë në futbollin shqiptarë pas viteve 90’.
