Gazetarët serb që janë duke shoqëruar ekipin e Partizanit të Beogradit, kanë raportuar skandale në mediat e vendit të tyre pa ndodhur asgjë në të vërtetë pasi ekipi ka mbërritur në Tiranë. Partizani do të zhvillojë ndeshjen nesër në mbrëmje në “Elbasan Arena’ me Skënderbeun, por atmosfera duket mjaft e qetë dhe se do të flitet vetëm për futboll.
“Skandal në qendër të Tiranës. Kosova është Veriu i Shqipërisë dhe jo pjesë e Serbisë”.
Mjaftoi kjo fjali në muret e Piramidës në kryeqytet që reporterët e gazetës “Alo” të krijonin nga hiçi, një kopertinë në Beograd për selinë e medias që përfaqësojnë.
Në shkrimet e ndryshme në portalin “Kurier” dhe tek “Informer” në serbisht, shikohen gjithashtu foto të forcave të policisë shqiptare që shoqërojnë normalisht delegacionin, por për serbët, kjo është një armatosje deri në dhëmbë!
Fatmirësisht për futbollistë dhe stafin teknik, referencat janë më së shumti për futbollin në fushë dhe objektivin për të marrë pikë në Elbasan Arena.
Sidoqoftë, nuk mund të mungonte një rikujtesë e Zoran Tosiç, për dronin e famshëm të Beogradit në ndeshjen mes kombëtares serbe dhe asaj shqiptare. Lojtari asokohe ishte në fushë për vendasit…
