Një gomone me vlerë 150 mijë euro është sekuestruar, pasi përdorej për pastrim të veprimtarie kriminale.
Sekuestrimi i gomones në Vlorë u bë prej Specialistëve të Seksionit për Krimin Ekonomik e Financiar në Drejtorinë Vendore të Policisë Vlorë në kuadër të Planit-Operacional “Vjeshtë 2017”, me qëllim sekuestrimin e aseteve të ndryshme, të cilat rezultojnë të përfituara në mënyrë të paligjshme.
Mësohet se mjeti lundrues i përket shtetasit A.Ç., 29 vjeç, banues në Elbasan, i cili dyshohet për kryerjen e veprës penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.
Materialet iu referuan Prokurorisë së Rrethit Gjyqësor Vlorë për veprime të mëtejshme procedurale.
