Partizani në avantazh, Sukaj si Icardi (Video)

Duket se Partizani është kthyer dhe po vazhdon rrugën e fitores në këtë pjesë të parë. Ka qenë Xhevahir Sukaj që ka zhbllokuar rezultatin në minutën e 28’, pas një krosimi të dhënë nga Progni nga e djathta. Aksioni ka qenë një interpretim i golit të parë që ka shënuar Ikardi një natë më parë në derbin e Milanos.

Formacioni i teknikut italian Mark Iuliano ka pasur shumë vështirësi përballë Luftëtarit, pasi nuk ka arritur të dalë në lojën e vet dhe rastet për të shënuar kanë qenë shumë të pakta. Luftëtari po bën një paraqitje dinjitoze duke goditur disa herë portën e mbrojtur nga Alban Hoxha por pa arritur ta mposhtë atë. Në rast fitoreje Partizani ngjitet në vendin e 5 me 8 pikë dhe ka shpresë për një rikthim në garë për kryesim, pasi kampionati është akoma shumë i gjatë.