Demarkacioni mbetet kusht i Bashkimit Evropian për integrimin e Kosovës.
Duket se BE nuk ka ndërmend të heqë dorë nga ky kusht, gjë që e la të kuptohej fare qartë shefja e Zyrës së BE-së në Kosovë, Nataliya Apostolova, e cila zhvilloi disa takime me përfaqësuesit e grupeve parlamentare në Kosovë.
Gjatë fjalës së saj në takimin me deputetë të pozitës e opozitës (PDK e LVV), Apostolova tha se Kosova duhet të punojë në përmbushjen e dy kritereve të mbetura në mënyrë që të arrihet heqja e vizave, si dhe foli edhe për sundimin e ligjit, ku theksoi se kjo çështje paraqet njërin prej prioriteteve kryesore të Bashkimit Evropian.
Përfaqësues të partive në Kosovë shprehen pakënaqësinë e tyre lidhur me kushtet e vëna nga Bashkimi Evropian për liberalizimin e vizave, megjithatë ata i konsideruan të frytshme këto takime me zyrtarët e BE-së.
“Ne jemi kemi këtu me të dyja kushtet dhe kjo është e vërteta. Kosova duhet të punojë në përmbushjen e dy kritereve të mbetura në mënyrë që të arrihet heqja e vizave. BE-ja do ta ndihmojë Kosovën që të arrijë progres më të shpejtë në rrugëtimin për luftimin e krimit dhe korrupsionit”, deklaroi Apostolova.
