Shqipëria dhe Kosova do të lehtësojnë procedurat e shkëmbimeve tregtare të produkteve ushqimore.
Kjo u bë e ditur gjatë një takimi që zhvilloi sot Drejtori i Përgjithshëm i AKU-së, Agim Ismaili me përfaqësuesin e Ambasadës së Republikës së Kosovës në Tiranë, Sylë Ukshinin.
Lehtësimi i procedurave të shkëmbimeve tregtare u paralajmërua edhe nga kryeministri Rama, gjatë një takimi me kryeministrin e Kosovës, Ramush Haradinaj.
Gjithashtu, në takim është folur edhe për çështjet e përbashkëta që shqetësojnë të dyja palët, të cilat do të diskutohen më me detaje më 27 nëntor, gjatë mbledhjes së përbashkët të dy qeverive në Korçë.
