Kryeministri Rama ka mbledhur sot Kryesinë, grupin e Partisë Socialiste dhe ministrat.
Mbledhja ka zgjatur rreth 2 orë dhe u zhvillua në Kryesinë e Kuvendit, ndërsa është diskutuar koordinimi i axhendës parlamentare.
Në mbledhje është diskutuar mbi Reformën Zgjedhore, ku Rama ka kërkuar që të enjten të shmangen përplasjet me opozitën, por të zhvillohet një debat konstruktiv.
Kryeministri tha se do të respektohet fryma e marrëveshjes së 18 majit për konsensus dhe bashkëpunim me opozitën, ndërsa bashkëkryetari i reformës Bledi Çuçi u ka kërkuar deputetëve socialistë që të përgatiten për debat ditën e enjte.
Nga ana tjetër, kryetari i grupit Taulant Balla ka kërkuar që të mos ketë mungesa nga deputetët në seancë dhe debati të jetë konstruktiv.
Pas mbledhjes me grupin, Rama në orën 11:00 do të mbledhë qeverinë për të zyrtarizuar 33 zv/ministrat që prezantoi të shtunën.
