https://www.facebook.com/tiranatodaycom/videos/356972511414159/
Pronarja e një dyqani të vogël veshjesh në kryeqytet është tronditur mëngjesin e e sotëm kur ka gjetur në derën e dyqanit të saj një sasi tritoli. Ndërsa ka telefonuar menjëherë uniformat blu.
Ngjarja ka ndodhur në zonën e Tregut Elektrik në kryeqytet. Gazetari i “Tirana Today”, raporton nga vendngjarja se qytetarja që ka hasur në sasinë e tritolit është alarmuar ndërsa policia më pas ka rrethuar gjithë zonën përreth dyqanit, i ndodhur rreth 500 metra mbi “Shkollën e Baletit”.
Informacion paraprak i policisë:
Më datë 04.10.2017, rreth orës 10:37, jemi njoftuar se në një dyqan rrobash në rrugën “Petro Nini”, pretendohet se është vendosur një pako në dukje si eksploziv.
Në vendngjarje kanë mbërritur shërbimet e policisë , ku nga verifikimet paraprake rezulton se :
Shtetasia B.A., pretendon se në dyqanin e saj të rrobave, në rrugën “Petro Nini”, i kanë vendosur një pako në dukje si eksploziv.
Është rrethuar vendi i ngjarjes dhe është njoftuar njësia antieksploziv.
