Presidenti u Rusisë, Vladimir Putin do të zhvillojë sot një vizitë zyrtare në Ankara të Turqisë, ku do të takohet me homologun turk, Recep Tayyip Erdogan.
Mësohet se dy liderët do të diskutojnë rreth marrëdhënieve dypalëshe, si edhe çështjet rajonale dhe ndërkombëtare, ku do të prekin edhe cështjen e Sirisë dhe Irakut.
Turqia e ka dënuar referendumin e kurdëve të Irakut për pavarësi, duke akuzuar liderin kurd Masud Barzani për tradhti, ndërsa Kremlini nuk e ka dënuar votimin, por ka theksuar rëndësinë e ruajtjes së integritetit territorial të Irakut.
Edhe për çështjen e Sirisë, Moska dhe Ankaraja mbështesin palë të kundërta të konfliktit, pasi Rusia mbështet forcat e presidentit sirian, Bashar al-Assad, ndërsa Turqia grupe të ndryshme rebele që e kundërshtojnë sundimin e Assad.
Megjithatë, duket se kjo vizitë e Putin tregon një forcim të marrëdhënieve dypalëshe mes Rusisë dhe Turqisë.
