Shumë emocione në ndeshjet e Champions League, Shumë gola të shënuar dhe përbysje të sekondave të fundit. Në tetë ndeshje të luajtura sonte janë shënuar plot 24 gola.
PSG ka bërë një ndeshje perfekte përballë Bayern Munich duke e mposhtur me rezultatin e thellë 3 me zero. Për parisienët kanë shënuar Dany Alves, Cavani dhe Neymar të cilët vulosën një fitore mjaft të rëndësishme. PSG me këtë fitore kryeson grupin me pikë të plota.
Chelsea ka marrë një fitore mjaft emocionuese në Madrid përballë Atletikos. Penalltisë së Griezmann i është përgjigjur Morata me kokë duke barazuar gjithçka. Ndërsa në sekondat e fundit është Batshuayi që vulos rezultatin në 2-1 në favor të londinezëve.
Barcelonës i ka mjaftuar një autogol i lojtarëve të Sporting për të marrë tre pikë dhe për të kryesuar grupin. Manchester United shkatërron CSKA në mes të Moskoë 4 me 1, me një Martyal në superformë dhe me Lukakun që nuk fal para portës ka qenë e lehtë për djemtë e Mourinhos.
Juventus fiton 2 me 0 në shtëpi përballë Olympiakos, një ndeshje e vuajtur e italianëve, deri në momentin e inkuadrimit në lojë të Gonzalo Higuain i cili zhbllokon ndeshjen. Pak minuta para fundët është sërish iniciativa e Higuani në një aksion që sjell golin e dytë të shënuar nga Manzukuc.Basel i Taulant Xhakës ka shkatërruar Benfikën me rezultatin 5 me 0, shqiptari bën një paraqitje mjaft të mirë. Surprizues ishte dhe ajo 3-0 e Celtik, i cili mund Andelecht në shtëpi duke barazuar Bayernin me pikë.
Ndërsa në orën 18:00 u zhvillua ndeshja Qarabag-Roma, e fituar nga këta të fundi me rezultatin 1-2.
/Tirana Today/
