Edhe këtë vit Kosova do të përfaqësohet nga dy ekipe në kompeticionet europiane, por do të ketë disa ndryshime në lidhje me mënyrës se si do të kualifikohen ka bërë të ditur UEFA.
Gazetari i Supersport Kosova, Arlind Sadiku ka kontaktuar me “UEFA Media” të cilët ia kanë konfirmuar lajmin se Kosova do të paraqitet me dy klube, një në Ligën e Kampionëve dhe një në Europa Ligë – ashtu siç ishte vitin e kaluar.
Megjithatë do të ketë ndryshime sa i përket paraqitjes së parë historike të klubeve të Kosovës.
Kampioni i Superligës do të luaj një ndeshje parakualifikuese, ku do t’i ketë tre kundërshtar potencial – nëse kalohet kjo fazë, atëherë fiton të drejtën për të luajtur në kualifikime.
Njëjtë vlen edhe për fituesin e Digitalb Kupës, ku fituesi do ta ketë një prej 15 kundërshtarëve të mundshëm për fazën e parakualifikimit.
Kujtojmë se sezonin e kaluar kishim dy skuadra Trepça ‘89 si kampion i Superligës dhe Prishtinën si kampion i Kupës së Kosovës.
