Kryetari i Partisë Demokratike ka reaguar lidhur me protestën e sotme para Ambasadës Amerikane të dhjetëra familjarëve që banojnë në Shkozë, të cilëve u rrezikohet banesat nga projekti i rehabilitimit të lumit të Lanës.
Me anë të një postimi në faqen e tij në Facebook, Lulzim Basha e quan nxjerrjen në rrugë të këtyre familjeve një krim të vërtetë.
Sipas Bashës, kryeministri Rama u premtoi banorëve shpronësim sipas tregut, ndërsa pasi mori votën, u thotë se do u japë bonos strehimi.
“Ka vetëm një mënyrë për të zbutur këtë dramë, shpronësim sipas vlerës së tregut. Ne do ta kërkojmë me ngulm këtë”, përmbyll Basha.
