Sonte gazetari Blendi Fevziu feston 20 vjetorin e emisionit “Opinion” në ambientet e korpusit të Universitetit Politeknik. Në këtë event ishin të ftuar disa nga emrat më në zë të shqiptarëve në fusha të ndryshme të cilët kanë qenë të ftuar përgjatë këtyre 20 viteve.
Të ftuarit që u intervistuan gjatë mbrëmjes ishin; presidenti Meta, presidenti i Kosovës Thaçi, Ali Ahmeti, Albin Kurti, Lulzim Basha etj.
Surpriza ishte me kryeministrin Edi Rama i cili këtë herë është shfaqur ndryshe. Rama ka ndryshuar rolin me moderatorin, Blendi Fevziun, ndërsa i ka drejtuar disa pyetje këtij të fundit. Ai e pyeti Fevziun nëse kishte menduar të ndryshonte emrin e emisionit.
Rama: A nuk mendoni se pas 20 vitesh duhet ti ndërroni emrin emisionin?
Fevziu: Jo nuk mendoj kështu. Nuk kam pas e ndryshoj as emrin e as imazhin, pasi ecën mirë.
Rama: Nëse do jepje një përgjigje të sinqertë, ose më saktë…
Fevziu: Një gjë…me kryeministër sdo e ndërroja kurrë emisionin
Rama-Fevziut: Do tregohesh i mëshirshëm me mua vetëm kur të bëhem për maskë oksigjeni
Rama: Sa je ti personazh i opinionit?
Fevziu: Besoj se opinioni është krijesë e të gjithëve.
Rama: Sa mund ti mbijetonte opinion tërheqjes tënde?
Fevziu: Nuk do kishte
Rama: Po ti sa do i mbijetoje opinionit nga ekrani
Fevziu: Do mbyllesha në shtëpi dhe nuk do më shihnit
Rama: Kush janë 3 momentet më të spikatura që të kanë lëne mbresa për mirë dhe për keq?
Fevziu: Nuk harroj intervistën me Gerlandinen në Afrikën e Jugut. Ajo merrte frymë me oksigjen dhe jepte intervistë. Intervista me Jusuf Vrionin. Ishte personazhi që dha intervistën e vetme në jetë. E treta është një intervistë me Ismail Kadarenë në vitin 2006.
Rama: 3 momentet më negative, por të lutem shkurt se kemi reklama (qesh)
Fevziu: Momenti me Artan Lamen si dhe në vitin 1998 kur pata një sherr me Azem Hajdarin. Ndërsa momenti i tretë kur shoh një pjesë të njerëzve që vijnë në studio të kapardisur.
