Kryeministri Rama është i hapur për një tjetër marrëveshje me Lulzim Bashën. Këtë deklaratë, ai e bëri gjatë një bashkëbisedimi me gazetarët në Velipojë.
Kryeministri tha se marrëveshja e 18 majit PS-PD është vlerësuar shumë nga njerëzit, prandaj nuk sheh asnjë kundërshti për një tjetër marrëveshje. Megjithatë, sipas Ramës, kjo mbetet për t’u diskutuar.
“S’kam ndonjë paragjykim për këtë, pavarësisht se ka pasur disa probleme, por marrëveshja dhe ajo që solli është një e mirë e madhe pasi ka prodhuar zgjedhjet më të qeta dhe më të lira. Që nga fakti që territori nuk u ndot me flamuj e postera. Njerëzit e kanë vlerësuar marrëveshjen. S’kam ndonjë kundërshti që ta shohim edhe këtë. Kjo mbetet për t’u parë dhe për t’u diskutuar.”
