Bashkëshortja e Ismail Morinës, Federica Lo Toro kërkon të dijë qëndrimin e qeverisë shqiptare dhe masat që do të ndërmarrë ajo lidhur me të ardhmen e Ballistit.
Lo Toro u shpreh se do të bëjë çdo gjë që është e mundur për të evituar ekstradimin e Ismail Morinës në Serbi, ndërsa shtoi se një ndër këto procedura është vijimi i kërkesës për azil.
“Ai është baba nuk meriton të qëndrojë në burg, dua të di cili është qëndrimi i qeverisë shqiptare çfarë masash do të ndërmarrë.
Doja të kuptoja nëse është duke u bërë diçka, cili është pozicioni i qeverisë shqiptare? Sigurisht, nuk e pritëm mirë ekstradimin dhe do të bëjmë çdo gjë që është e mundur për ta evituar na duhet edhe mbështetja e qeverisë, mendoj se duhet ta kemi, por po presim se cili do të jetë qëndrimi.
Do të vijojmë me kërkesën për azil dhe më pas do të shohim se cili do të jetë qëndrimi i palës kroate. Apeli për drejtësinë dhe qeverinë është ky: Konsideroni që ky djalë i ri është një baba dhe nuk meriton të qëndrojë në burg”, ka thënë bashkëshortja e Ballistit për Report TV.
