Një 52-vjeçar është gjetur i vdekur nga familjarët e tij në banesë. Bëhet fjalë për viktimën me iniciale E.Xh. banues në lagjen nr.18 të qytetit të Durrësit.
Sipas informacioneve nga policia, ditën e diel më 20 gusht, familjarët kur kanë hyrë në banesë kanë gjetur të pajetë 52-vjeçarin.
Rrethanat e ngjarjes nuk janë zbardhur ende, por dyshohet se viktima ka ndërruar jetë për shkaqe natyrale gjatë periudhës që familjarët kishin dalë nga shtepia për shëtitje, raporton “DL”.
Punohet për sqarimin e rrethanave të ngjarjes. Materialet u referuan në Prokurorinë e Rrethit Gjyqësor Durrës, për vlerësim.
