Teksa jemi në ditët e fundit të gushtit, emigrantët dhe turistët kanë nisur të largohen nga Shqipëria pas pushimeve në vendin tonë.
Kështu, në pikat kufitare ka pasur një fluks të madh. Sipas policisë, në 12 orët e fundit në Kakavijë kanë dalë mbi 7500 shtetas dhe 2600 automjete.
Fluks ka pasur edhe në hyrje, ku janë regjistruar mbi 4600 shtetas e 730 mjete.
Policia Kufitare Kakavijë po punon me procedura të përshpejtuara, me 9 sportele në dalje e 5 në hyrje, ndërsa sportelet i ka shtuar edhe pala greke.
Për shkak të ngarkesës së madhe, policia sugjeron shfrytëzimin e pikave të tjera të kalimit si Tre Urat e Qafë Botë.
