Drejtoresha e përgjithshme e Kufirit dhe Emigracionit, Aida Hajnaj ka reaguar lidhur me lajmin e bujshëm se Holanda do të rikthente vizat për shqiptarët.
Sipas saj, pala holandeze deri më tani nuk ka pasur asnjë ankesë për shtetasit që udhëtojnë apo qëndrojnë në këtë shtet, ndërsa shton se do të punohet për evidentimin e rasteve të përfshirjes në veprimtari kriminale të shtetasve shqiptarë në Holandë,
“Ne nuk kemi patur asnjë ankesë nga pala hollandeze për problematika të shtetasve shqiptarë që udhëtojnë apo qëndrojnë në këtë shtet në kuadër të marrëveshjes Shengen”, ka thënë Hajnaj, raporton BW.
Gjithashtu, e pranishme për një inspektim në doganën e Kakavijës, drejtuesja e policisë kufitare garantoi marrjen e masave maksimale për shmangien e radhëve në kufi për emigrantët që kthehen në Greqi pas përfundimit të pushime.
