Qendra Studimore PEW, në anketën e realizuar me persona të pjekur në moshë, të cilët në mbarë botën u përzgjodhën rastësisht, doli në përfundime interesante.
Në përfundim të anketës, presidenti i Rusisë, Vladimir Putin, duke përfshirë edhe disa vende aleate të SHBA, në shumë vende u shfaq të shikohej si një lider më i besueshëm nga Presidenti i SHBA-ve Donald Trump.
Sipas anketës të Qendrës Studimore PEW, që realizoi me të rritur, qytetarë të Koresë së Jugut, Japonisë dhe 7 vendeve evropiane anëtare të NATO-s, të zgjedhur rastësisht mes 852 dhe 2464 personave në çdo vend, Putin-in e shikojnë si liderin më të besueshëm kur bëhet fjalë për bërjen e më të mirës së mundshme në mirëqenien botërore.
Besueshmëria për Putin në nivel botëror arrin shifrat e 40 përqindëshit, kurse besueshmëria për Trump sqarohet të jetë në shkallën e 22 përqindjeve.
Vendet Evropiane si Turqia, Greqia, Gjermania, Hungaria, Franca, Italia dhe Spanja e shikojnë Vladimir Putin si liderin më të besueshëm. Ndërsa në vendet si Anglia, Kanadaja, Holanda dhe Polonia, përqindja e besimit ndaj Trump është në një nivel më të lartë.
Edhe në Izrael, Filipine dhe Australi, aleatët besnikë të SHBA-ve, Trump-in e shikojnë si liderin më të besueshëm për interesat botërore.
(TIRANA TODAY)
