Nën organizimin e Shoqërisë Kulturore Artistike “Rapsha”, për të pestën herë me radhë, filloi Festivali Mbarëkombëtar “RAPSHA 2017” në Vitojë – Malësi të Madhe. Në këtë festival nuk u vërejtën asnjë nga politikanët shqiptarë nga MZ, me funksione të larta politike në qeveri por as nga institucionet vendore apo përfaqësuesit e Komunës Urbane të Tuzit.
Ky Festival ka karakter mbarëkombëtar, duke u bërë skena e para dhe më e rëndësishme, argëtuese në Malësi, ku pjesëmarrës nga të gjithë trevat shqipfolëse këndojnë, vallëzojnë e garojnë bashkë.
Në këtë Festival, në prezencën e afër pesë mije shikuesve, në mesin e të cilëve edhe figura të rëndësishme politike e kulturore, nga të gjitha trevat shqiptare, si ambasadori i Republikës së Kosovës në Podgoricë z. Skënder Durmishi, zevendes ambasadorja e Republikës se Shqipërisë, Nënkryetari i KKSH-së, z. Bujar Hasangjekaj etj.
Në këtë festival mbarëkombëtar, që filloi më 18, dhe do të përfundojnë më 20 gusht 2017, marrin pjesë 30 grupe Folklorike , grupe këto që vinë prej të gjitha trevat etnike shqiptare si dhe shoqëri nga diaspora, të cilat do të vlerësohen nga juria profesionale në përbërje të: Prof.Dr Zymer Neziri – Kryetar, Pr.Dr Ramazan Bogdani –Etnograf, Prof Zeqirije Neziri, Prof Esat Ruka – Kantautor dhe Prof Dr. Albin Sadiku.
Festivali mbarëkombëtar që mbahet në Malësi, paraqet një ndihmesë të madhe ruajtjes së trashëgimisë kulturore dhe ngritjes së vetëdijes e dinjitetit kombëtar në këtë trevë etnike shqiptare, të atakuar nga politika asimuliuese malazeze dhe ajo boshnjake.
