Është burgosur lideri i një bande droge në Nottingham të Anglisë, i cili për më shumë se 12 vjet ushtronte aktivitetin e tij të shpërndarjes së kokainës. Sipas gjyqtarit, i pandehuri Lorenc Hoxha, 37 vjeç ishte kreu i shpërndarjes së drogës në Londër dhe pjesën Perëndimore të Anglisë.
Hoxha u dënua bashkë me 4 persona të tjerë bashkëpunëtorë të tij, dy prej të cilëve nga Nottingham. Ata u dënuan përafërsisht 45 vjet, nën akuzën e shpërndarjes së kokainës me cilësi të lartë.
Disa prej të pandehurve pranuan përfshirjen e tyre në aktivitetin e paligjshëm ndërsa të tjerët u shpallën fajtorë nga juria.
Droga e qarkulluar thuhet se arrin vlerën 1 milion paund, dhe shpesh gjatë bisedave dhe mesazheve Hoxha i referohet kokainës si “pizza”, një mënyrë për të kamufluar komunikimin.
Gjykatësi Timothy Spencer u vuri në dukje sasinë e madhe të parave që kishin shpenzuar, duke përfshirë makinat e shtrenjta, festat e organizuara etj.
Ndërkohë që mesazhet e koduara kishin në themel fjalën “pizza” e cila përdorej për furnizimin e kokainës. “Si të duket pica e re?” Përveç kësaj, Hoxha ka përdorur gjatë muajve në vijim shpesh picën si formë komunikimi.
Hoxha u dënua nga gjyqtari Timothy Spencer me 12 vje e tre muaj, nën dy akuza për komplot të paligjshëm të transportit dhe shpërndarjes së kokainës.
Sipas gjykatësit Lorenc Hoxha ka qenë në qendër të operacioneve, por jo kreu i tyre. Pavarësisht se ai ka kontroll mbi shpërndarjen e të pandehurve dhe organizon rrjetin e kokainës, pretendohet se është një shkallë nën importimin e drogës nga jashtë, shkruan Nottingham Post.
Duke zbutur gjykimin për Hoxhën gjyqtari Steve Ramsell tha: “Dikush e ka sjellë drogën këtu, dhe ai dikush nuk është në këtë gjykatë.”
Klinsi Rexha, një refugjat 18 vjeçar shqiptar pretendohet të jetë krahu i djathtë i Hoxhës, avokati i tij tha se Rexha ishte duke kërkuar azil politik në Britani. Gjykata e dënoi më 6 vjet e gjysmë riedukim.
Grant Deane, i bashkë akuzuar, 37 vjeç nga Liverpooli mori 6 vjet burg dhe u cilësua si një nga njerëzit që kishte kontakt të drejtpërdrejtë me Hoxhën.
Ameer Singh, 28 vjeç u shpall fajtor për akuzat e mësipërme duke marrë 13 vjet burg, edhe për shkelje të një dënimi të mëparshëm.
Hardeepak Singh, 28 vjeç u dënua me 7 vjet e 8 muaj, duke u shpallur fajtor.
Gjykata e cilësoi serioze këtë çështje, dhe kjo duket më së miri dhe në dënimet e dhëna për secilin prej individëve./ Tirana Today
