Kryeministri Edi Rama ka zgjedhur që ta nisë ditën me publikimin e një klipi prezantues të ekspozitës më të re të çelur sot në Muzeun Kombëtar Marubi, titulluar “Manipulim”.
“MIRËMËNGJES dhe ju uroj një ditë të mbarë me këtë klip prezantues të ekspozitës më të re çelur sot në Muzeun Kombëtar Marubi, titulluar ‘Manipulim’. Fotografitë e retushuara të arkivës së Marubit do të jenë në qendër të kësaj ekspozite e cila tenton të nxjerrë në pah për herë të parë historinë e hershme të manipulimit të fotografive, për t’i ballafaquar ato me të vërtetën që dëshmojnë negativët origjinalë të paprekur”, shkruan Rama teksa publikon videon.
Megjithatë, duket se qytetarët nuk e kanë mendjen aspak te ekspozitat, teksa vendi ndodhet në një situatë kritike për shkak të numrit të madh të zjarreve.
Ankesat më të shumta kanë qenë pikërisht për zjarret, ndërsa ka qytetarë që i kujtojnë kryeministrit problemin me mbetjet në Kamëz, në mënyrë që të ndërhyjë për zgjidhjen e situatës.
[ngg_images source=”galleries” container_ids=”345″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
