https://www.facebook.com/jlmbjk/videos/10211889287381258/
9-vjeçari Dane Miller është një fëmijë me sindromën Down, i cili ka prekur zemrat e miliona njerëzve dhe është bërë menjëherë yll në rrjetet sociale.
Vogëlushi u bë i famshëm pas publikimit të një videoje, ku Dane këndon këngën e Whitney Houston “I have nothing”, teksa ndodhej në makinë së bashku me familjarë të tij.
Tezja e tij, e cila e publikoi videon në Facebook, tha se vogëlushi është një fëmijë shumë energjik dhe i pëlqen muzika. “Ai është njeri shumë krenar. Ai vetëm buzëqesh”, shtoi Jeanne Miller.
E ëma e Dane, Danna Miller thotë se i biri u fiksua pas këngëve të Houston pasi pa një dokumentar të saj.
“Ai filloi të shkarkonte këngët e saj dhe më pas u “mbërthye” pas tyre duke i dëgjuar vazhdimisht. Kur lindi Dane, nuk e dinim se kishte sindromën Down, por gjithsesi kjo nuk do të kishte ndryshuar asgjë. Ai është një bekim për familjen tonë. Është kaq i dashur dhe pozitiv”, shtoi e ëma e vogëlushit.
Videoja e publikuar nga tezja e vogëlushit është parë më shumë se 20 milion herë, ndërsa komentet kanë qenë mjaft pozitive duke lumturuar pa masë familjarët e Dane, i cili tashmë ka fansat e tij.
