Sot në orën 08:00 ka nisur votimi për zgjedhjen e kryetarit të Partisë Demokratike midis dy kandidatëve Lulzim Basha dhe Eduart Selami. Votimi do të zhvillohet në 68 qendra në të gjitha degët e PD nga ora 08:00 deri në orën 19:00.
Ndërkohë që kandidati Eduard Selami ka dhënë një deklaratë për mediat, ku ka folur mbi procesin zgjedhor, dhe zhgënjimin e bojkotimit të zgjedhjeve nga kolegët e vjetër.
“Proces i rëndësishëm për PD dhe Shqipërinë. Ka filluar në mënyrë të qetë e të rregullt. Pavarësisht nga pabarazia jam i bindur se demokratët me votë të fshehtë do zgjedhin modelin e tyre. Mendoj se gara e pabarabartë do sjellë jo konkurrim të drejtë. Ana organizative përveç atyre që kam thënë, sot nuk ka probleme ose shqetësime, janë teknike. Gara brenda partisë nuk është e lehtë.
Besoj se pjesëmarrja do jetë e lartë, bojkoti është e kaluara. Jam i zhgënjyer nga kolegët, bojkoti i përket së shkuarës,” tha Selami.
