Për sa i përket anëtarësimit të Kosovës në Interpol, Serbia ka nisur lobimin në mesin e shteteve anëtare për ta parandaluar këtë anëtarësim.
Pjesë e grupit të punës janë Ministria e Punëve të Jashtme, Ministria e Punëve të Brendshme dhe e ashtuquajtura Zyrë për Kosovën. Thonë se është në dilemë që lidhur me këtë çështje të mos diskutohet në shtator. “Vendimi për rendin e ditës merret pak para asamblesë së përgjithshme”, ka thënë burimi i gazetës.
Tema e asamblesë së përgjithshme vendoset nga organi ekzekutiv i Interpolit, i cili përbëhet nga një numër më i vogël i vendeve anëtare. Nëse kjo temë do të jetë në rendin e ditës në Pekin, nuk do të thotë se Kosova do të bëhet pjesë e Interpolit. Dihet së për t anëtarësuar në Interpol nevojiten dy të tretat e votave dhe se Serbia beson në ndikimin e saj te vendimi i Kinës dhe Rusisë për të mos lejuar anëtarësimin e Kosovës në Interpol.
Gjatë zhvillimit të punimeve në seancën e asamblesë së përgjithshme që do mbahet në Pekin në shtator, pritet që kërkesa e Kosovës të jetë në rendin e ditës. Ndërkohë që të anëtarësuara janë 186 shtete.
