Ndërkohë që më 19 korrik ushtarëve aktualë në Kosovë u mbaron misioni, një batalion pritet ti bashkohet NATO-s atje. 500 ushtarët janë kontingjent i trupave nga Arkansasi, Teksasi, Karolina Veriore, Oklahoma, Kalifornia dhe Nju Jorku. Ushtarët e parë amerikanë në Kosovë kanë ardhur në vitin 1999, dhe ky do të jetë rrotacioni i 23-të i trupave ushtarake në Kosovë që prej këtij viti.
Misioni i tyre do të jetë ruajtja e një mjedisi të sigurt, dhe ruajtja e lirisë së lëvizjes për të gjithë njerëzit dhe komunitetet në Kosovë. Trajnimi për misionin në Kosovë përfshin stërvitje për kontrollimin e trazirave, për përdorimin e armëve jovdekjeprurëse, dhe për teknika ndërveprimi me autoritetet civile. Ata do të mësohen edhe si të përballen me rreziqe gjatë trazirave, sidomos nëse ndaj tyre hidhen kokteje molotovi.
