Presidenti i Turqisë Rexhep T. Erdogan në intervistën e dhënë për rrjetin mediatik anglez BBC, foli për marrëdhëniet Turqi-BE. Ai tha se prioriteti i Turqisë është anëtarësimi në Bashkimin Evropian, por nëse BE vonon në përgjigjen e saj, atëherë Turqia nuk ka më kohë për të humbur dhe është e aftë të qëndroj mbi këmbët e saj: “ Ne iu përmbajtëm premtimeve tona. Në qoftë se BE-ja në mënyrë të hapur thotë se nuk do ta pranojmë Turqinë, atëherë kjo do të jetë një lehtësim për ne duke vënë në veprim planin B dhe C. Pra, BE-ja për ne nuk është një vend i domosdoshëm. Turqia është një vend që qëndron mbi këmbët e saj, një vend ku të ardhurat kombëtare për frymë tejkalojnë 11 mijë dollarë”.
Më tej ai vazhdoi: ‘‘Shumica e qytetarëve turq nuk dëshirojnë të hyjnë në BE, për shkak të qëndrimit jo të sinqertë të saj. Por pavarësisht të gjitha këtyre ne do të vazhdojmë të jemi të sinqertë me BE-në dhe do të shikojmë se çfarë e gjithë kjo do të na sjellë”, tha Erdogan në intervistën e dhënë për programin televiziv HARDtalk të BBC, e cila do të transmetohet më 14 korrik. TIRANA TODAY
