Dy javë më parë, biznesmenit Tofik Hyka i bënë atentat pranë stadiumit “Selman Stërmasi” në kryeqytet, duke e qëlluar me dy plumba.
Tashmë gjendja e biznesmenit është përmirësuar, edhe pse burime pranë bluzave të bardha shprehen se gjendja e Hykës ka qenë e renduar.
Hetuesit e çështjes kanë tentuar ta marrin në pyetje, për të hedhur dritë mbi motivin e krimit dhe identifikimin autorëve, por biznesmeni ka refuzuar të japë një dëshmi të vlefshme, shkruan GSH.
Hyka është shprehur se nuk ndodhet në gjendje të mirë shëndetësore, duke mos dëshmuar mbi atentatin.
Grupi hetimor është duke vijuar hetimet për zbardhjen e plotë të rrethanave, si dhe për identifikimin e dy personave që qëlluan me armë zjarri biznesmenin, teksa ishin duke lëvizur me një motor.
Ish-pronari i fabrikës së tullave në Vorë u qëllua me 4 plumba paraditen e 28 qershorit të këtij viti, teksa ndodhej i ulur në verandën e një lokali dhe nën shoqërinë e një mikut të tij.
