Përçarja midis eksponentëve brenda Partisë Demokratike është shtrirë në të gjithë bazën e saj, duke përfshirë deputetë dhe kryetarë bashkish të së djathtës.
I tillë është edhe rasti i fundit midis deputetit të PD-së, Asllan Dogjani dhe kryetarit të bashkisë së Kamzës.
Dogjani e ka akuzuar Mziun se pagoi 800 mijë euro që të kandidojë për bashkinë e Kamzës.
Kjo është akuza e radhës, që Dogjani ka lëshuar drejt kryebashkiakut pas atyre se është përgjegjës për tkurrjen e Partisë Demokratike në Kamëz dhe Paskuqan në zgjedhjet e fundit të 25 qershorit.
Ndërsa më herët, Mziu e kishte cilësuar Dogjanin si deputet të blerë me klering nga PS.
