Një pushues nga Kosova, rreth 46 vjeçar, ka humbur jetën pasi është mbytur në plazhin e Tales në Lezhë.
Policia e Lezhës sqaron se 46-vjeçari me iniciale Sh.K, banues në Kosovë e pushues në Tale, ka qenë duke u mbytur dhe menjëherë është nxjerrë jashtë detit nga pushues të tjerë.
Ai është transportuar për në spital me ambulancë, por ka ndërruar jetë gjatë rrugës.
Në trupin e viktimës nuk janë konstatuar shenja dhune, dhe shkak dyshohet mbytja nga uji.
Grupi hetimor në bashkëpunim me Prokurorinë e Rrethit Gjyqësor Lezhë, po vazhdojnë hetimet për zbardhjen e plotë të shkaqeve.
