Në Elbasan, KZAZ-ja me vendim Nr.87, ka kërkuar ndërhyrjen e forcave të policisë për largimin nga VNV-ja të personave të paautorizuar për të qëndruar brenda ambienteve në VNV-së.
Pas marrjes së njoftimit nga KZAZ-ja me vendim Nr.87, shërbimet e policisë kanë ndërhyrë në VNV për nxjerrjen e personave të paautorizuar duke i larguar ata nga ambientet ku po numërohen votat e zgjedhësve. Efektivët e policisë janë larguar me vendim nr.88 të KZAZ-së pasi përfunduan detyrën e tyre.
Gjatë ndërhyrjes nuk ka pasur probleme mes policisë dhe personave që u larguan nga ana e policisë nga ambientet e VNV-së.
