Donald Trump ka kryer investime serioze në Arabinë Saudite dhe Emiratet e Bashkuara Arabe. Vetëm nga fusha e golfit në Emiratet e Bashkuara Arabe fiton miliona dollarë. Në vitin 1995 Trump rrezikoi të falimentonte dhe për këtë në ndihmë i erdhi Princi Saudit i cili ishte pjesë e marrëveshjes së shitjes së Hotel Plazës në Arabinë Saudite me vlerë 325 milionë dollarë. Ky Princ para kësaj marrëveshje i fali Trumpit dhe një jaht 18 milion dollarë.
Presidenti Trump në festën e vitit të ri që organizoi në rezidencën në Florida ftoi dhe Hussain Sajwanin me të cilin krijoi lidhje biznesi në Dubai dhe njihej si Donaldi i Dubait. Në natën e vitit të ri, Trump e prezantoi biznesmenin Arab dhe familjen e tij tek të ftuarit e tjerë si “Njerëz të mirë”.
Disa javë pas kësaj mbrëmje fëmijët e Trump, Donald Jr. dhe Eric morën pjesë në ceremoninë e hapjes së fushës së parë të golfit në Dubai.
A është paraja shkaku i vërtetë në krizën e Katarit?
Trump dhe vajza e tij Ivanka, pavarësisht përpjekjeve, nuk arritën të kryenin një investim serioz në Katar. Melania Trump pas një vizite pune që bëri bashkë me të shoqin në vitin 2010 në Doha, në deklaratën e dhënë për mediat tha se në Katar ka shumë mundësi biznesi të mëdha. Por, gjithsesi Trump nuk kishte bërë tjetër gjë veçse të krijonte disa firma të vogla kontraktuese në Katar. Tani në Katar pyesin, “Thua, a do të ndodhte kjo krizë nëse do t’i hapnim Trumpit disa fusha golfi?”
Informacionet e këtij shkrimi para pak ditësh kanë zënë vend në gazetën ‘‘New York Times’’ dhe aty përsëritej e njëjta pyetje. Tani unë pyes, a ti japim edhe ne një leje firmave të Trumpit për të hapur një fushë golfi në Antalja? Ndoshta mund t’i hapë rrugë vazhdimësisë së marrëdhënieve të mira të Turqisë me SHBA-në.
Tashmë Trumpit nuk i intereson asgjë. Ai vetëm do të dijë nëse është apo jo vërtetë nën hetim. Avokati i Trump pavarësisht se shkroi në Twitter dhe e cilësonte këtë si një persekutim, në lidhje me Trump sqaroi se nuk është hapur ndonjë hetim, por përsëri krijoi konfuzione kur thoshte se është pyetur nga ana e prokurorisë speciale. Kjo deklaratë mund të ketë kënaqur Presidentin Trump, por jo bashkëpunëtorët e tij. HaberTurk/Serdar Turgut
TIRANA TODAY
