Kryeministri në largim i Kosovës, Isa Mustafa, ka thënë që LDK është e gatshme të bëjë koalicion paszgjedhor me të gjitha partitë, përveç PDK-së.
Por, kushti i vetëm i LDK-së për koalicion, sipas Mustafës, është që ta kenë postin e kryeministrit.
Mustafa thotë se përveç bisedimeve me Vetëvendosjen, do të tentojnë të ketë komunikim edhe me Ramush Haradinajn dhe Fatmir Limajn, por vetëm pasi të largohen nga PAN-i, raporton opozita.com.
“Me të gjithë do të bisedojmë vetëm që LDK ta ketë kryeministrin, përveç PDK-në”, ka thënë Mustafa në Rubikon, si dhe ka shtuar që prej rrëzimit të qeverisë, nuk kanë pasur më ndonjë komunikim me PDK-në.
