Edi Rama i ka cilësuar si skutha Unionin e Gjyqtarëve të Shqipërisë të cilët apeluan në Gjykatën Kushtetuese ligjin e Vettingut, sipas të cilëve bie ndesh me të drejtat kushtetuese të individit.
Sipas Ramës, kjo është një përpjekje për të goditur reformën në drejtësi, kur tashmë të gjithë janë përfshirë në fushatën elektorale.
“Këta janë një union skuthash. Janë skutha të cilët godasin ligjin e Vettingut, kur nuk e ka njeri mendjen. Shkojnë dhe apelojnë për shkelje të të drejtave të njeriut. Gjykatësit duhet të japin garanci nëse nuk janë të lidhur me krimin, se nuk kanë nxjerrë të kriminelët si të pafajshëm, apo përdhunues. Gjykata Kushtetuese të mos hyjë në këtë batak. Do ta quaja një skandal në rast të kundërt. Mos kujtoni se reforma në drejtësi dhe vettingu nuk do të zbatohet”, u shpreh Rama.
