Studenti amerikan që u mbajt i burgosur për më shumë se 15 muaj në Korenë e Veriut, ka vdekur një javë pasi u kthye në shtëpi.
Otto Warmbier, 22 vjeç, ishte dënuar me 15 vite punë të rëndë, i akuzuar për përpjekje për të vjedhur një shenjë propagande (poster), nga një hotel në Korenë e Veriut.
Ai u kthye në SHBA të martën e kaluar nga Korea e Veriut.
Kjo e fundit tha se kishte qenë në koma për një vit pas kontraktimit të botulizmit, por familja e tij tha se ai ishte nënshtruar “keqtrajtimit të tmerrshëm torturues”.
Një ekip mjekësh amerikanë gjithashtu kanë kundërshtuar versionin e ngjarjeve të Koresë së Veriut.
Presidenti i SHBA Donald Trump e ka quajtur Korenë e Veriut një “regjim brutal” pas vdekjes së Otto Warmbier.
Trump tha se vdekja e Warmbier kishte thelluar vendosmërinë e administratës së tij “për të parandaluar tragjeditë e tilla, t’u ndodhin njerëzve të pafajshëm në duart e regjimeve që nuk respektojnë sundimin e ligjit “.
“Shtetet e Bashkuara edhe njëherë dënojnë brutalitetin e regjimit të Koresë së Veriut teksa mbajnë zi për viktimën e saj të fundit”, tha Trump.
