Kryetari i Lëvizjes Socialiste për Integrim, Petrit Vasili pas miratimit në parlament të anëtarëve të komisioneve te Vettingut tha se ishin segmentet kriminale të “Rilindjes” ata që vonuan reformën në drejtësi.
“Jam serioz dhe e di se para nesh ka sfida të mëdha dhe se ka mbaruar koha e çështjeve qesharake. Edi Rama vetëm ka qeshur s’ka bërë asgjë gjatë katër viteve. Ka pasur presione të segmenteve të krimit që Rilindja i ka vënë në punë. Përfshirja e krimineleve vonoi reformën në drejtësi, pra përgjegjës ishte Rilindja. Policia është e politizuar, rendi publik është i kompromentuar dhe janë cenuar elemente që bien ndesh me ligjin. Kemi të bëjmë më një të vërtetë te pamohueshme. Populli Shqiptar i kanë kërkuar kryeministrit mos ketë polici të politizuar por ai ka lëshuar zagarët e krimit në terren.
Do i japim përgjigjën e duhur më 25 qershor, pa na kapur kanceri Rilindjes, ne jemi i vetmi shërim për një botë të re. Qindra nëpunës që janë larguar për një foto në Facebook, janë dërguar menjëherë në shtëpi.
Në qoftë se kjo që votuan tani ishte një drejtësi që vepron për të gjithë por nuk vepron për kryeministrin nuk funksionon” tha Vasili.
