Gjashtë të vdekur dhe mbi 50 të plagosur është bilanci i parë, (që me shumë gjasa do të ndryshojë), nga zjarri që përfshiu kullën Grenfell në Londër, orët e para të këtij mëngjesi, raporton BBC.
Më parë zyrtarë të London Fire Brigade, në një deklaratë për shtyp kishin pohuar se ka viktima por për shkak të përmasave dhe kompleksitetit të ndërtesës, nuk dihej numri i tyre.
Zjarri në Grenfell Tower në Estate west Lancaster u raportua në 00:54, sipas orës lokale dhe rreth 200 zjarrfikës luftuan me flakët për orë të tëra deri në shuarjen e plotë të tyre.
Pas shuarjes së zjarrit ka lindur një tjetër problem, a ii shembjes së mundshme të ndërtesës 27 katesh, pas djegies së plotë të saj.
