Presidenti i ri i zgjedhur, Ilir Meta mbrëmjen e sotme ka folur lidhur me lëvizjet politike të dy kundërshtarëve të tij politik.
Sipas tij, ai asnjëherë nuk kam besuar te Republika e Re, as te Rilindja sepse mendonte se janë tërësisht shumë larg realitetit politik. Gjithashtu, Meta u shpreh se kurrë nuk i ka vajtur mendja se Lulzim Basha do të bënte një marrëveshje për të cenuar standardin zgjedhjeve.
“Gjëja e parë që ai bëri në tri orë ua futi aleatëve të vet duke filluar që nga z. Duka, i cili, po të kishte dëgjuar kërkesat e maxhorancës për të braktisur çadrën, do të hynte në një proces ku mund të merrte 10-12 deputetë, kurse tani është tërësisht i rrezikuar për shkak të kësaj marrëveshjeje dhe imponimit, që i është bërë atij dhe disa aleatëve të tjerë për të qenë në listën e Partisë Demokratike”,-tha Meta.
Në vijim të fjalës së tij, ish-kryetari i LSI-së u shpreh se këto lëvizje e kanë kthyer Bashën në nënkontraktor të Ramës për të cenuar standardin e zgjedhjeve.
“Ndërsa aktualisht e shohim që është bërë një nënkontraktor i Ramës për të cenuar standardin e zgjedhjeve. Kulmi ishte para pak ditësh në Dibër kur në vend që të merrej me qeverinë ose me LSI-në, u mor tërë kohën me PDIU-në, domethënë një gjë skandaloze, duke bërë thirrje për të mos votuar për partitë e tjera, ndërkohë që çdo kryetar partie, çdo lider duhet të tregojë programin dhe avantazhet e forcës së tij”-tha Meta.
