Nënkryetari i LSI-së, Luan Rama ka dalë në një konferencë për shtyp, ku i ka dhënë “shuplakën” e radhës Edi Ramës.
Gjatë fjalës së tij, Luan Rama akuzoi se kryeministri ka kanalizuar Shqipërinë, ndërsa e cilëson atë si fajtor për gjendjen e vendit, për shkak se ka qenë kreu i PS-së në krye të vendit pavarësisht koalicionit.
FJALA E RAMËS:
“Marrëveshja PS-LSI ka qenë parimore, programore, dhe jo për tepsi dhe timon. LSI nuk është bërë pengesë për asnjë reformë të qeverisë. Sistemi i korruptuar sepse ishte Edi Rama në krye te sistemit. Kryetari i Rilindjes nuk është për reforma, por për Rama- Reforma. 840 mije euro shpenzimi për transmetimin live të fjalimeve te tij.
Kemi rënë dakord me vullnet të palëkundur për të garantuar kohezioni dhe konsensusin për mirëqeverisje për të garantuar pavarësinë e institucioneve të depolitizimit përmes konkurrencës.
Ku e ka penguar LSI-ja kreun e PS-së për të mos e kryer këtë? Ne kemi iniciuar dhe realizuar reforma thelbësore për mirëqeverisjen. Nuk lejuam tentativën e Ramës për të kapur sistemin përmes një reforme të deformuar. Çfarë reforme tjetër e ka penguar LSI-ja kryetarin e PS që dërdëllit në sheshe?
Ku janë shushunjat, në cilin sektor të hipotekës? Të gjitha këto janë shërbime të hipotekës të drejtuar nga përfaqësues të PS-së. Ku janë shushunjat, për të cilat u kujtua sot? Cila është pjesa e helmuar e tepsisë, pjesa e LSI-së?
Më shumë se ata ka ca policë blu e drejtorë blu që janë ndëshkuar ligjërisht në kanalizimin e vendit. Në krijimin e një harte të tërë të kanabisit në gjithë sipërfaqen e Shqipërisë. Atje nuk paska shushunja. Po sistemi doganor, kush mban përgjegjësi zoti kryetar i rilindjes?
Sistemi është i kanalizuar, i inkriminuar sepse në krye të këtij sistemi ka qenë kryetari i rilindjes.
Hajde të nxjerrim përballë njëri-tjetrin e të gjejmë cili ka përgjegjësi, në nuk i ikim përgjegjësisë. Kemi qenë pjesë e qeverisë dhe mbajmë përgjegjësi edhe për atë që nuk ka ecur. Askush nuk e ka penguar kryeministrin të krijojë modelin e një administrate të denjë, të gjitha të tjerat janë hipokrizi./ Tirana Today
