Kancelarja gjermane, Angela Merkel e cila ndodhet për një tur zyrtar në Amerikën Latine, kritikoi sot planin e presidentit amerikan, Donald Trump për ndërtimin e një muri mes SHBA-ve dhe Meksikës, me qëllim ndalimin e klandestinëve.

“Ngritja e një muri nuk do ta zgjidhë problemin. Më e rëndësishme është të gjenden arsyet se pse ikin njerëzit”, tha Merkel

Merkel, në kuadër të turit tre ditor në Amerikën Latine,mori pjesë sot në një  forum biznesi me presidentin meksikan, Enrique Pena Nieto, në kryeqytetin Meksiko.

Trump ka deklaruar se synon ndërtimin e 3.000 kilometrave mur në kufirin me Meksikën për të ndaluar imigracionin ilegal dhe trafikun e lëndëve narkotike.

Madje ai kushtëzon që shpenzimet për ndërtimin e murit t’i paguajë vet Meksika.