Kreu i Partisë Demokratike, Lulzim Basha ka zhvilluar një takim në Dibër, ku u kërkoi qytetarëve votën e tyre duke premtuar rritje të ekonomisë së vendit, të pensioneve dhe pushtetin e qytetarëve.
Gjithashtu, Basha nuk i ndaloi as sulmet ndaj Ramës, por as ndaj Presidentit të zgjedhur të vendit, Ilir Metës:
“Do vazhdoni 4 vjet më këtë me tuta e batuta që duart e Metës dhe Beqajt i futi në xhepat tuaja? Është bërë bishë Ilir Meta se e shikonte veten një dorë në bakllava dhe një dorë në sheqerpare. Në bakllava s’ka për ta pas kurrë më dorën, por me sa shoh s’ka për ta pas as në sheqerpare.”
Më tej Basha premtoi se do të bëjë realitet Rrugën e Arbrit, që Rama nuk mundi ta realizojë, duke u mburrur se realizoi Rrugën e kombit në vetëm 2 vjet.
“Ky 4 vjet nuk bën dot Lungomaren që vlonjatët i thonë Lungobalta. Nuk mbaron dot rrugën e Elbasanit. Unë do mbaroj jo vetëm ato, por edhe Rrugën e Arbrit ashtu siç mbarova Rrugën e Kombit në vetëm 2 vjet.”
